Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, yanvarın 27-də Bakıda və Abşeron yarımadasında hava bəzi yerlərdə yağıntılı olacaq, günün ikinci yarısında dəyişkən buludlu hava şəraiti üstünlük təşkil edəcək, mülayim cənub-şərq küləyi əsəcək.Azərbaycan sinoptikləri yağıntılı hava şəraiti vəd edirlər
Bakıda və Abşeron yarımadasında havanın temperaturunun gecə 1-3, gündüz 4-7 dərəcə isti olacağı gözlənilir.
Azərbaycanın bölgələrində hava əsasən gecə və axşam bəzi yerlərdə yağıntılı olacaq. Şərq küləyi əsəcək. Dağlıq və dağətəyi rayonlarda sulu qar və qar yağacaq.
Havanın temperaturunun gecə 0-5, gündüz 5-10 dərəcə isti, dağlarda gecə 3-8 dərəcə şaxta, gündüz 3 dərəcə şaxtadan 2 dərəcəyədək isti olacağı ehtimal edilir.
Milli.Az
