Ətraf mühiti çirkləndirən “Cans-1” gəmisi 40 min dollar cərimə ödəyəcək
Noyabrın 28-də Gürcüstanın Poti limanının sahil mühafizə xidmətinin əməkdaşları və ətraf mühitin mühafizəsi üzrə müfəttişliyin əməkdaşları Türkiyə bayrağı altında üzən “Cans-1” tankerini saxlayıblar. Lent.az-ın “Novosti-Qruziya” agentliyinə istinadən məlumatına görə, tanker ətraf mühitin çirklənməsi faktı ilə bağlı saxlanılıb.
Sərhəd polisindən bildiriblər ki, İnzibati Hüquq Pozuntuları Kodeksi əsasında tanker 65 min lari (40,6 min dollar) cərimə ödəməli olacaq.