Bakı şəhər sakini Xəyal Tağıyev paytaxt sakini Bəxtiyar Məmmədbəylidən aldığı torpaq sahəsinə aid sənədlərin saxta olması ilə əlaqədar polisə müraciət edib.
Lent.az-ın Daxili İşlər Nazirliyinə istinadən verdiyi məlumata görə, yanvarın 24-də Bakı şəhər sakini Xəyal Tağıyev Suraxanı RPİ 31-ci PB-yə müraciət edərək 2014-cü il avqust ayının 19-da paytaxt sakini Bəxtiyar Məmmədbəylidən 3 sot torpaq sahəsi almasını, əvəzində ona "BMW" markalı avtomobilini və 1250 manat verməsini, bu şəxsin ona təqdim etdiyi torpağa aid sənədlərin isə saxta olmasını bildirib. Məlumatda bildirilir ki, vətəndaşın müraciəti ilə bağlı araşdırma aparılır.
