Avropa Liqasının "pley-off" mərhələsində mübarizəni davam etdirəcək təmsilçilərimiz "Qəbələ" və "Qarabağ"ın rəqibləri sabah müəyyənləşəcək.
Milli.Az qol.az-a istinadən bildirir ki, İsveçrənin Nyon şəhərində keçiriləcək tədbir Bakı vaxtı ilə saat 16:00-da başlayacaq.
Qeyd edək ki, "Qəbələ" Avropa Liqasının üçüncü təsnifat mərhələsində "Apollon"u mübarizədən kənarlaşdıraraq "pley-off"a yüksəlib. "Qarabağ" isə Çempionlar Liqasının üçüncü təsnifat mərhələsində "Seltik"ə uduzaraq sözügedən turnirdə mübarizəni dayandırıb. Ağdam təmsilçisi mübarizəni Avropa Liqasının "pley-off" mərhələsində davam etdirəcək.
Milli.Az
