Türk mətbəxinin ən dadlı və məşhur şirniyyatları üzərinə şərbət tökülənləridir.
Axşam.az xarici KİV-ə istinadən şərbətli şirniyyat reseptlərini təqdim edir:
Lokma: Əvvəlcə 3 stəkan suyu, 2,5 stəkan şəkər tozu və yarım limon şirəsini bir qaba töküb, sobada qatı şərbət halına gələnə qədər qaynadın. Daha sonra soyuması üçün kənara qoyun. Kənarda 4 stəkan suyu, 6 stəkan unu, 1 xörək qaşığı mayanı, 1 xörək qaşığı şəkər tozunu, bir çimdik duzu qaba töküb, mikserlə qarışdırın. Azca yumşaq xəmir alınacaq. Kənara qoyub 1 saat saxlayın. Daha sonra tavaya duru yağ töküb, qızdırıb, xəmirdən yumru kündələr hazırlayıb, içinə atın. Qızaedıqdan sonra qaba qoyub, üzərinə şərbəti əlavə edin.
Şəkərparə: 3 stəkan suyu, 3,5 stəkan şəkər tozunu və yarım limon şirəsini qarışdırıb şərbət hazırlayın. Qaba 3 yumurta sarısı, 1 butöv yumurtanı, 250 qram yağı, 1 stəkan şəkər tozunu töküb, qarışdırın. daha sonra 4 stəkan un və 1 paket qabartma tozunu töküb, xəmir hazırlayın. Xəmirlərdən yumru kündələr götürüb tavaya düzüb, sobada bişirin. 2-3 dəqiqə soyuduqdan sonra üstünə şərbəti əlavə edin.
Balbadam: 2 stəkan suyu, 2 stəkan şəkər tozunu və 6 xörək qaşığı balı qarışdırıb şərbət hazırlayın. Qaba 250 qram otaq temperaturunda yumşalan yağı, 1 stəkan duru yağı, 2 ədəd yumurtanı, 1 stəkan nişastanı, 1 stəkan əzilmiş badamı, 2 paket qabartma tozunu töküb yaxşıca qarışdırın. Üzərinə 3-4 stəkan unu yavaş-yavaş töküb xəmir edin. Xəmiri masaya qoyub uzun formada yayın. Stola 1 stəkan mannı yarması töküb, xəmiri üstünə sərin. Şəkildəki formada burun.
Sonra xəmiri iki barmaq qalınlığında kəsib tavaya düzüb, sobada bişirin. Bir az soyuduqdan sonra üzərinə şərbəti əlavə edin.