"İraq və Şam İslam Dövləti" (İŞİD) terror təşkilatı Suriyanın qərbində Əl Qəratayn şəhərini ələ keçirib.
Milli.Az Al Arabi-ya istinadən bildirir ki, şəhərə hücum çərşənbə günü, İŞİD-in üç "canlı bomba"sının Əl Qərataynın girişində özünü partlatmaları ilə başlamışdı.
Döyüşlərdə İŞİD-in 23 terrorçusu həlak olub.
Əl Qəratayn şəhərinin ələ keçirilməsi İŞİD-ə Homs vilayətinin şərqi ilə Kəlamunun şərqindəki rayonları birləşdirməyə imkan verir.
Əl Qəratayn şəhərinin 40 min sakininin əksəriyyəti xristianlar, Homs şəhərindən qaçmış şəxslərdir.
Milli.Az 
