"Qarabağ"la "Qəbələ"nin Avropa Liqasının pley-off mərhələsində rəqibləri bu gün bilinəcək
Bu gün Avropa Liqasının pley-off mərhələsinin püşkü atılacaq.
Qol.az-ın məlumatına görə, İsveçrənin Nyon şəhərində keçiriləcək tədbir Bakı vaxtı ilə saat 16:00-da başlayacaq.
Püşkatma mərasimdə 44 komanda iştirak edəcək. Bunlardan 29-u Avropa Liqasının III təsnifat mərhələsinin qalibləri, qalan 15-i isə Çempionlar Liqasının III təsnifat mərhələsində mübarizəni dayandıran komandalar olacaq.
Azərbaycanı bu mərhələdə iki komanda - "Qarabağ" və "Qəbələ" təmsil edəcək. "Qəbələ" "Apollon" səddini keçməklə tarixində ilk dəfə pley-off mərhələsində oynamaq hüququ əldə edib. Çempionlar Liqasının III təsnifat mərhələsində iki oyunun nəticəsinə görə "Seltik"ə uduzan "Qarabağ" da mübarizəni pley-off mərhələsində davam etdirəcək.
Hər iki komandamız püşk zamanı səpələnməmişlər səbətində yer alacaq ki, bu da təmsilçilərimizi nisbətən güclü rəqiblərlə üz-üzə qoyacaq.
Artıq "Qarabağ"ın beş, "Qəbələ"nin isə altı potensial rəqibi bilinib. Bunlar aşağıdakılardır:
"Qarabağ":
"Ayaks" (Hollandiya)
PAOK (Yunanıstan)
"Yanq Boyz" (İsveçrə)
"Standard (Belçika)
"Sent-Etyen" (Fransa)
"Qəbələ":
"Borussiya" (Dortmund, Almaniya)
"Alkmaar" (Hollandiya)
"Sparta" (Çexiya)
"Panatinaikos" (Yunanıstan)
"Sauthempton" (İngiltərə)
"Krasnodar" (Rusiya)
Qeyd edək ki, Çempionlar Liqasında pley-off mərhələsinin ilk oyunları 20 avqust, cavab qarşılaşmaları isə 27 avqust tarixlərində keçiriləcək.
Milli.Az
