Bakı. 7 avqust. REPORT.AZ/ Bakıda alimi avtomobil vuraraq öldürüb. Bu barədə “Report”a AMEA-nın Fizika İnstitutundan məlumat verilib.
Belə ki, institutun 67 yaşlı aparıcı elmi işçisi, fizika-riyaziyyat elmləri doktoru Seyidnisə Seyidrzayevanı avtomobil vurub. S.Seyidrzayeva xəstəxanaya aparılarkən yolda ölüb.
Hadisəni Bakı şəhər sakini Ruslan İsmayılov özünün idarə etdiyi “Daewoo” markalı avtomobillə törədib.
Faktla bağlı araşdırma aparılır.
