Bakı, 7 avqust, AZƏRTAC
Dərbənd Azərbaycan Dövlət Dram Teatrı Türkiyənin Bartın şəhərində keçirilən "İNKUMU-2015" teatr festivalında iştirak edib.
AZƏRTAC xəbər verir ki, müxtəlif teatrlardan ibarət 17 qrup və ümumilikdə 82 nəfər teatr əməkdaşının qatıldığı festivalda Dərbənd Azərbaycan Dövlət Dram Teatrının direktoru Yadulla Haşimov Türkiyəli həmkarı Rasim Aşınla "Qonşu teatrlar" adı altında seminar keçirib. Aktyor və rejissor sənəti üzrə ustad dərsləri keçən teatrın baş rejissoru Toğrul Kamalov tamaşaçılar qarşısında iki kiçik səhnə əsəri ilə çıxış edib. Çıxışlar tamaşaçılar və festival iştirakçıları tərəfindən maraqla qarşılanaraq yüksək qiymətləndirilib.
Qeyd edək ki, teatr bir sıra beynəlxalq festivallara dəvət alıb.
