x
Loading...

Müəllim ixtisasını seçən 300 abituriyentə 100 manat məbləğində təqaüd veriləcək

Müəllim ixtisasını seçən 300 abituriyentə 100 manat məbləğində təqaüd veriləcək
15:08 7 Avqust 2015
274 Ölkə
Ölkə mətbuatı
A- A+


Bakı, 7 avqust, AZƏRTAC
Artıq iki ildir ki, ali məktəblərdə müəllimlik ixtisasına qəbul olunmuş tələbələr üçün xüsusi stimullaşdırma proqramları həyata keçirilir. Bu ixtisasları öz arzusu ilə seçən və yüksək balla qəbul olunan gənclərə xüsusi təqaüdlər verilir.
AZƏRTAC xəbər verir ki, Təhsil Nazirliyinin layihəsinə əsasən, ali təhsil müəssisələrinə qəbul imtahanlarında 500 və daha yüksək bal toplayan və ixtisas seçimində müəllimlik ixtisasını birinci qeyd edən ilk 300 abituriyentə 100 manat məbləğində əlavə təqaüd veriləcək. Bu layihənin həyata keçirilməsində əsas məqsəd məzunların müəllimlik ixtisasına marağının artırılması və yüksək bal toplayan tələbələrin pedaqoji fəaliyyətə həvəsləndirilməsidir.
Mütəxəssislərin fikrincə, təhsildə bu cür islahatyönümlü tədbirlərin həyata keçirilməsi böyük əhəmiyyət daşıyır. Stimullaşdırıcı addımlar müəllim peşəsinin nüfuzunu artırmaqla yanaşı, gənclərin gələcəkdə bu peşəni seçmələrində böyük rol oynayır.

Xəbərin orijinal ünvanı: http://azertag.az/xeber/Muellim_ixtisasini_sechen_300_abituriyente_100_manat_mebleginde_teqaud_verilecek-876075

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR