Bu gün Avropa Liqasının pley-off mərhələsinin püşkü atılıb.
ANS PRESS-in məlumatına görə, İsveçrənin Nyon şəhərində keçirilən tədbir Bakı vaxtı ilə saat 16:00-da başlayıb.
Püşkatma mərasimdə 44 komanda iştirak edib. Bunlardan 29-u Avropa Liqasının III təsnifat mərhələsinin qalibləri, qalan 15-i isə Çempionlar Liqasının III təsnifat mərhələsində mübarizəni dayandıran komandalar olub.
Azərbaycanı bu mərhələdə iki komanda - "Qarabağ" və "Qəbələ" təmsil edib. "Qəbələ" "Apollon" səddini keçməklə tarixində ilk dəfə pley-off mərhələsində oynamaq hüququ əldə edib. Çempionlar Liqasının III təsnifat mərhələsində iki oyunun nəticəsinə görə "Seltik"ə uduzan "Qarabağ" da mübarizəni pley-off mərhələsində aparacaq.
"Qəbələ" futbol klubu
İndi hər iki klubumuzun rəqibləri müəyyənləşib. Ağdam təmsilçisi pley-off mərhələsində İsveçrənin "Yanq Boyz", "Qəbələ" isə Yunanıstanın "Panatinaikos" klubu ilə qarşılaşacaq.
Çempionlar Liqasında pley-off mərhələsinin ilk oyunları avqustun 20-də, cavab qarşılaşmaları isə avqustun 27-də keçiriləcək.
"Yanq Boyz" (İsveçrə) - "Qarabağ" (Azərbaycan)
“Panatinaikos” (Yunanıstan) - "Qəbələ" (Azərbaycan)
Həmçinin oxuyun:
Kiprlilərdən Azərbaycana böyük hörmətsizlik
"Cavidi o qədər çox istəyirəm ki..."
"Qəbələ"nin oyununda yaralanan azarkeş xəstəxanaya çağrıldı