Salyan rayonunda Tərtər sakinindən külli miqdarda narkotik vasitə aşkarlanaraq götürülüb.
Daxil olmuş məlumat əsasında Salyan Rayon Polis Şöbəsinin əməkdaşları tərəfindən əməliyyat-axtarış tədbirləri həyata keçirilib. Nəticədə əvvəllər məhkumluq həyatı yaşamış Tərtər rayon sakini, 46 yaşlı Ədalət Məmmədov şübhəli şəxs qismində saxlanılaraq şöbəyə gətirilib. Onun üzərinə baxış keçirilən zaman 6 kiloqram 160 qram narkotik vasitə olan marixuana və 348 qram tiryək aşkar edilərək götürülüb.
Şöbədə ilkin istintaq zamanı Ədalət Məmmədov törətdiyi cinayəti etiraf edib: "Zibilxanadan tapmışam. Satmaq üçün Salyana gətirdim, o da alınmadı".
Faktla bağlı Salyan Rayon Polis Şöbəsində araşdırma aparılır.
Region TV
Videonu izləmək üçün şəklə klikləyin.