x
Loading...

Azərbaycan filmləri XI Kazan festivalında

Azərbaycan filmləri XI Kazan festivalında
13:06 8 Avqust 2015
Ölkə mətbuatı
A- A+

Azərbaycan filmləri XI Kazan Beynəlxalq müsəlman kino festivalının proqramına daxil edilib.

Axşam.az AzərTac-a istinadən xəbər verir ki, festival sentyabrın 5-dən 11-dək keçiriləcək.

"Mədəniyyət dialoqundan dialoq mədəniyyətinə" devizi ilə reallaşan festivalın proqramına 25 ölkədən tammetrajlı və qısametrajlı bədii və sənədli filmlər, həmçinin animasiya filmləri olmaqla ümumilikdə 50 film daxildir.

Azərbaycan istehsalı olan "Bakı sübhdən günbatanadək" filmi festivalın "Tammetrajlı sənədli filmlər" kateqoriyasında, "Köhnə saat" cizgi filmi isə "Animasiya filmləri" kateqoriyasında təqdim ediləcək.

"Bakı sübhdən günbatanadək" tammetrajlı sənədli filmi Polşa kinematoqrafçılarının iştirakı ilə "Dünya sübhdən günbatanadək" beynəlxalq layihəsı çərçivəsində hazırlanıb. Layihə çərçivəsində şəhər həyatının ayrı-ayrı situasiyalarını əks etdirən 3-4 dəqiqəlik süjetlərdən ibarət 18 qısa film çəkilib ki, bu filmlərdən də 50 dəqiqəlik bir tammetrajlı sənədli film ərsəyə gəlib.

Layihənin Azərbaycandakı tərəfdaşı Mədəniyyət və Turizm Nazirliyi və "Azanfilm" studiyasıdır.

"Azanfilm"in "Birlik" yaradıcılıq studiyası ilə birgə istehsal etdiyi "Köhnə saat" cizgi filminin rejissoru Cavid Əhədov, bədii rəhbəri Firəngiz Qurbanova, prodüseri Fariz Əhmədovdur.


Xəbərin orijinal ünvanı: http://axsam.az/site/?name=xeber&news_id=34962

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

RƏYLƏR

BU KATEQORİYADAN DİGƏR XƏBƏRLƏR