Bakı, 26 yanvar, AzərTAc
Respublika günü münasibəti ilə Nyu-Delidə keçirilən hərbi parad Rusiya istehsalı olan təyyarələrin uçuşu ilə başlayıb. Paradı izləyənlər arasında Hindistana səfər edən ABŞ Prezidenti Barak Obama da olub.
AzərTAc RİA Novosti informasiya agentliyinə istinadla xəbər verir ki, piyada və süvarilərin keçidindən sonra Barak Obamaya sarı-yaşıl rənglə boyanmış Rusiyanın T-90 tank qrupu nümayiş etdirilib.
Bundan başqa hərbi paradda helikopterlərin, yaylım atəşi sistemlərinin də iştirak etdiyi digər silah növlərinin keçidi olub. Hərbi paradı Hindistan Prezidenti Pranab Kumar qəbul edib.
