Türkiyə Super Kubokunun qalibi müəyyənləşib. Fanat.az хəbər verir ki, Ankarada keçirilən oyunda "Qalatasaray" "Bursaspor"u sınağa çəkib.
Oyun "Cim-Bom"un 1:0 hesablı qələbəsi ilə yekunlaşıb. Matçın yeganə qoluna 21-ci dəqiqədə Yasin Öztekin imza atıb. 88-ci dəqiqədə Emre Çolak qırmızı vərəqə alsa da, "Bursaspor" say üçtünlüyündən yararlana bilməyib.
Bununla da "Qalatasaray" "Qızıl het-trik" edib. Belə ki, "Cim-Bom" son mövsümdə həm Super Liqanın, həm də Türkiyə Kubokunun qalibi olmuşdu. "Aslanlar" kubokun finalında məhz "Bursaspor"u yenmişdi (3:2). "Qalatasaray" tariхi ərzində 14-cü dəfə Super Kubokun qalibi olub. Bu Türkiyə rekordu hesab olunur.
Fanat.az
