Premyer Liqanın I turunda "Neftçi"nin qonağı olacaq "Kəpəz" Bakıda dəstəksiz qalmayacaq. Bu barədə Fanat.az-a "Kəpəz" fan-klubunun rəhbəri Elmar Əliyev məlumat verib.
Fan-klub rəhbəri bildirib ki, Gəncədən Bakıya 120 nəfər gəlib: "Kəpəz", "Ultra-Kəpəz" və "Xəmsə" fan-klubunun 120 üzvü 3 avtobusla Bakıya gəlib. Bundan başqa Bakıda yaşayan azarkeşlərimiz də bu gün bizə qoşulacaq. Sona qədər komandamızı dəstəkləyəcəyik. İnanırıq ki, "Kəpəz" ilk oyunda "Neftçi"ni məğlub edib, mövsümə qələbə ilə başlayacaq".
Fanat.az
