“Azərbaycanfilm”in növbəti beynəlxalq uğuru

“Azərbaycanfilm”in növbəti beynəlxalq uğuru
15:53 26 Yanvar 2015
Ölkə mətbuatı
A- A+


Bakı, 26 yanvar, AzərTAc
C.Cabbarlı adına “Azərbaycanfilm” kinostudiyasının direktoru, prodüser Müşfiq Hətəmov 13-cü Pune Beynəlxalq film festivalında “Nabat” bədii filminə görə beynəlxalq münsiflər heyətinin “Xüsusi vurğulama” mükafatına layiq görülüb.
Kinostudiyadan AzərTAc-a bildiriblər ki, film Hindistanda keçirilən festivalın əsas müsabiqə proqramında yer almışdı.
Qeyd edək ki, Mədəniyyət və Turizm Nazirliyinin sifarişi ilə C.Cabbarlı adına “Azərbaycanfilm” kinostudiyasında 2014-ci ildə istehsal olunan “Nabat” filminin ssenari müəllifləri Elxan Nəbiyev və Elçin Musaoğlu, quruluşçu rejissoru Elçin Musaoğlu, quruluşçu operatoru Əbdülrəhim Bəşərat, quruluşçu rəssamı Şahin Həsənli, bəstəkarı Hamed Sabet, icraçı prodüseri Arif Səfərov, prodüseri Müşfiq Hətəmovdur.
Qarabağ müharibəsindən bəhs edən ekran əsərində baş rolları Fatimə Motamed Arya, Vidadi Əliyev, Sabir Məmmədov, Fərhad İsrafilov və digərləri canlandırıblar.

RƏYLƏR

BU KATEQORİYADAN DİGƏR XƏBƏRLƏR