Türkiyə polisi İstanbuldakı ABŞ konsulluğuna hücum etməkdə şübhəli bilinə qadını saxlayıb. Bu barədə Reuters agentliyi Türkiyənin NTV kanalına istinadən məlumat yayıb.
CNN Turk telekanalının verdiyi xəbərə görə, bazar ertəsi səhər saatlarında iki nəfər naməlum şəxs İstanbuldakı ABŞ konsulluğunun binasını atəşə tutub. İlkin məlumatlara görə, hücum edənlərdən biri qadın olub. Cinayətkarlar hadisə yerindən qaçmağa müvəffəq olub.
Yaralananlar barəsində hələlik məlumat yoxdur.
Hadisə yerinə gələn polis əməkdaşları və hücum edənlər arasında atışmanın baş verdiyi bildirilir. Hal-hazırda digər cinayətkarın saxlanılması üzrə xüsusi əməliyyat keçirilir.
Hadisə yerindən görüntü
Həmçinin oxuyun: İstanbulda güclü partlayış: yaralılar var (VİDEO, FOTO)
