Tbilisi, 26 yanvar, AzərTAc
Gürcüstanın yeni daxili işlər naziri təyin olunub.
AzərTAc Gürcüstanın Daxili İşlər Nazirliyinin rəsmi saytına istinadla xəbər verir ki, bu vəzifəyə əvvəlki nazirin birinci müavini işləyən Vaxtanq Qomelauri təyin olunub.
V. Qomelauri Baş nazirin ona göstərdiyi etimadı doğruldacağını bildirib.
Yeni nazir 2013-cü ilədək keçmiş Baş nazir, iş adamı Bidzina İvanişvilinin şəxsi təhlükəsizlik xidmətinin rəisi olub.
Qeyd edək ki, sabiq daxili işlər naziri Aleksandr Çikvaidze yanvarın 23-də tutduğu vəzifədən istefa vermişdi.
Xətayi Əzizov
AzərTAc-ın xüsusi müxbiri
Tbilisi
