Bakı, 26 yanvar, AzərTAc
“Bakı” İstilik Elektrik Mərkəzində ötən il elektrik enerjisinin istehsalı 627,8 milyon kilovat-saatdan artıq olub.
“Azərenerji” ASC-nin mətbuat xidmətindən AzərTAc-a bildirilib ki, paytaxtın müəyyən hissəsinin elektrik enerjisi tələbatının təmin edilməsində müstəsna rol oynayan elektrik mərkəzinin dayanıqlılığı artırılıb. Hazırda burada sutka ərzində təxminən 2 milyon kilovat-saata yaxın elektrik enerjisi istehsal olunur. Əlavə tələbat yaranacağı halda, bu həcmin daha da artırılması imkanları mövcuddur. Stansiya dispetçer qrafikinə uyğun iş rejimində fəaliyyətini davam etdirir.