BŞBPİ və Prokurorluq Nərimanov rayonunda kişinin arvadının başını kəsərək qətlə yetirməsi ilə bağlı birgə məlumat yayıb

19:02 26 Yanvar 2015
70 Digər
Ölkə mətbuatı
A- A+

[ 26 Yanvar 2015 18:59 ]

Bakı. Hafiz Heydərov –APA. Bakıda kişinin arvadının başını kəsməsi faktı ilə bağlı cinayət işi başlanıb.

Bakı şəhər Baş Polis İdarəsi (BŞBPİ) və şəhər prokurorluğundan APA-ya verilən birgə məlumatda qeyd olunur ki, yanvarın 26-da saat 12 radələrində paytaxtın Nərimanov rayon sakini, 1973-cü il təvəllüdlü Süleymanov İlham Elləz oğlunun qısqanclıq zəminində yaşadığı evdə arvadı, 1979-cu il təvəllüdlü Süleymanova Məhəbbət Nəriman qızının boğaz və bədəninin digər nahiyələrinə çoxsaylı xəsarətlər yetirərək onu qəsdən öldürməsi faktına görə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

 

İ.Süleymanov daha sonra rayon hüquq-mühafizə orqanlarına könüllü gələrək təslim olub və şübhəli şəxs qismində tutularaq istintaqa cəlb olunub.

 

Hazırda iş üzrə istintaq tədbirləri davam etdirilir.

 

Qeyd edək ki, qətl hadisəsi törədən şəxs Bakı Metropolitenində elektrik-mexanik işləyib.


Xəbərin orijinal ünvanı: http://az.apa.az/news/370438

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR