Naxçıvan, 26 yanvar, Rauf Əliyev, AzərTAc
Naxçıvan Muxtar Respublikasında mükəmməl idman infrastrukturu yaradılıb. Buradakı idman obyektləri beynəlxalq standartlar səviyyəsində inşa olunub. İnanıram ki, bu infrastruktur uzun müddət muxtar respublikada idmanın inkişafına töhfə verəcəkdir.
“Bakı – 2015” Avropa Oyunları Əməliyyat Komitəsinin kommunikasiya şöbəsinin direktoru Uilyam Lui-Mari AzərTAc-a eksklüziv müsahibəsində belə deyib.
Uilyam Lui-Mari ölkəmizdə keçiriləcək birinci Avropa Oyunları barədə də danışaraq bildirib ki, məqsədimiz Azərbaycanda baş tutacaq həmin mötəbər yarışı tarixi ana çevirmək və idmançıların karyeralarında müsbət mənada silinməz iz buraxmaqdır. Bu məqsədə çatmaq üçün yaradılan şəraitə görə Azərbaycan rəhbərliyinə minnətdarlığımızı bildiririk.