Azərbaycanda özəl texniki peşə məktəbləri və liseyləri açılacaq

Azərbaycanda özəl texniki peşə məktəbləri və liseyləri açılacaq
23:49 26 Dekabr 2014
571 Sosial
Ölkə mətbuatı
A- A+

Azərbaycanda özəl texniki peşə məktəbləri və liseyləri açılacaq. APA-nın məlumatına görə, bu, prezident İlham Əliyev tərəfindən təsdiqlənən “Azərbaycanda sənayenin inkişafına dair 2015-2020-ci illər üçün Dövlət Proqramı”nda əksini tapıb.

 

Dövlət Proqramının “Sənayenin kadr potensialının və elmi təminatının gücləndirilməsi” ilə bağlı bölməsində qeyd edilib ki, Təhsil Nazirliyi və İqtisadiyyat və Sənaye Nazirliyi 2016-cı ildə özəl texniki peşə məktəbləri və liseylərinin açılmasının təşviqi ilə bağlı təkliflər hazırlamalı və aidiyyəti üzrə təqdim etməlidir. Bundan başqa, Təhsil Nazirliyinə  2016-2017-ci illərdə özəl sektorun cəlb edilməsi ilə ali məktəblərdə innovasiya mərkəzlərinin yaradılmasını təmin etmək tapşırılıb.  Eyni zamanda Təhsil Nazirliyi, Əmək və Əhalinin Sosial Müdafiəsi Nazirliyi, İqtisadiyyat və Sənaye Nazirliyi  2016-2020-ci illərdə isə sənaye üzrə müxtəlif istiqamətlərdə peşə, ixtisasartırma və ixtisasdəyişmə kurslarının təşkili, tədris plan və proqramlarının hazırlanması və təkmilləşdirilməsi məqsədi ilə Peşə Tədris Mərkəzlərinin yaradılmasını,  İqtisadiyyat və Sənaye Nazirliyi 2016-ci ildə “Sumqayıt Kimya Sənaye Parkı” MMC-nin nəzdində Peşə Tədris Mərkəzinin fəaliyyətinin təşkilini təmin etməlidir.

RƏYLƏR

BU KATEQORİYADAN DİGƏR XƏBƏRLƏR