Elmar Məmmədyarov Slovakiya parlamentinin vitse-spikeri ilə görüşüb

21:03 26 Yanvar 2015
59 Ölkə
Ölkə mətbuatı
A- A+

Azərbaycan, Bakı, 16 yanvar /Trend/

Azərbaycanın xarici işlər naziri Elmar Məmmədyarov Slovakiyaya rəsmi səfəri çərçivəsində Slovakiya parlamenti spikerinin müavini Yan Figel ilə görüşüb.

Azərbaycan XİN-in mətbuat xidmətindən Trend-ə verilən məlumata görə, görüşdə Y.Figel iki ölkənin siyasi əlaqələrinin ruhuna uyğun olaraq, iqtisadi-ticarət əlaqələrinin də inkişaf etdirilməsi arzusunda olduğunu diqqətə çatdırıb.

O, bu qəbildən olan rəsmi səfərlərin ikitərəfli əlaqələrin inkişafına mühüm töhfə verdiyini qeyd edib.

E.Məmmədyarov Azərbaycanın digər ölkələrlə əməkdaşlığında parlamentlərarası əlaqələrə mühüm əhəmiyyət verdiyini deyərək, iki ölkənin parlamentləri arasında təmasların artırılmasının vacibliyini diqqətə çəkib.

O, Azərbaycanın son illər ərazində əldə etdiyi siyasi-iqtisadi inkişafı, enerji siyasəti və zəngin multikulturalizm ənənələri haqqında məlumat verib.

Görüşdə qarşılıqlı maraq doğuran beynəlxalq və regional məsələlər ətrafında fikir mübadiləsi aparılıb.

Məqalə müəllifi ilə əlaqə ünvanı: agency@trend.az

RƏYLƏR

BU KATEQORİYADAN DİGƏR XƏBƏRLƏR