Suda yaşayan bu həşəratlar tezliklə kosmik səyahətə çıxmağa hazırlaşır.
ANS PRESS-in məlumatına görə, onlar iyun ayında Beynəlxalq Kosmik Stansiyaya göndərilən kosmik gəminin göyərtəsində su-birələri sərnişin qismində yer alacaq.
Şaxə-bığcıqlılar dəstəsindən olan həşaratları Birminqem Universitetin alimləri bio-tibbi araşdırmalar məqsədilə kosmosa – çəkisizlik mühitinə yollamağa hazırlaşır.
Beynəlxalq Kosmik Stansiyanın müvafiq seqmentində aparılacaq eksperimentdə kosmonavtlar onların su ekosistemini qurmağa çalışacaq. Bundan başqa birələr üzərində insan sağlamlığı ilə bağlı bir sıra tədqiqatların aparılacağı planlaşdırılır. Maraqlıdır ki, bu maraqlı elmi layihə Uelsdən olan şagirdlərin “beyin-məhsulu” olub.
Mənbə
Reuters
