“Eurovision-2015” mahnı müsabiqəsində Azərbaycan təmsilçisi ikinci yarımfinalda çıxış edəcək.
Lent.az-ın “musavat.com”a istinadən xəbərinə görə, bu barədə məlumat müsabiqənin rəsmi saytında yerləşdirilib.
Püçkatma ötən gün keçirilib. Ümumilikdə bu il müsabiqədə 39 ölkə iştirak edəcək. Mayın 19-da ilk yarımfinalda 16 ölkənin çıxışı planlaşdırılır. Bu mərhələdə Yunanıstan, Makedoniya, Estoniya, Niderland, Moldova, Finlandiya, Belçika, Ermənistan, Serbiya, Danimarka, Belarus, Rumıniya, Rusiya, Albaniya, Gürcüstan, Macarıstan təmsilçiləri mübarizə aparacaq.
Mayın 21-də isə səhnəyə Norveç, İrlandiya, Çexiya, Litva, San-Marino, Malta, Portuqaliya,, İsveçrə, Azərbaycan, Sloveniya, Latviya, Polşa, İslandiya, İsrail, Kipr və İsveç təmsilçiləri mübarizə aparacaqlar.
Qeyd edək ki, 60-cı “Eurovision” müsabiqəsi Avstriyanın paytaxtı Vyanada keçiriləcək. Final mayın 23-də olacaq.
