Gəncə, 27 yanvar, AzərTAc
Ölkədə təhsilin inkişafı ilə bağlı qəbul olunan yeni strategiyaya uyğun olaraq Gəncədə fəaliyyət göstərən ümumtəhsil məktəblərində informasiya-kommunikasiya texnologiyalarının tətbiqi uğurla davam etdirilir.
Qısa vaxt ərzində məktəblər 72 ədəd elektron lövhələrlə təmin edilib. Hazırda isə 4, 16 və 39 nömrəli orta məktəblərdə smart siniflərin yaradılmasına başlanılıb.
Gəncə Şəhər Təhsil İdarəsinin rəisi Zakir Hüseynov AzərTAc-a eksklüziv müsahibəsində deyib ki, yeni avadanlıqlarla işləmək üçün 112 müəllim xüsusi kurslardan keçib. Şübhəsiz, bu kimi innovativ yeniliklər təhsildə keyfiyyətin yüksəlməsinə müsbət təsir göstərəcəkdir.
