ABŞ-ın Forbes jurnalı cümə günü il ərzində Hollivud kinostudiyalarına ən çox qazanc gətirən aktyor və aktrisaların siyahısını dərc edib.
Lent.az-ın AzərTAca istinadən məlumatına görə, reytinqdə birinci yeri 24 yaşlı aktrisa Cennifer Lourens tutur. Onun iştirakı ilə çəkilən filmlər başa çatmaqda olan ildə dünya prokatında 1,4 milyard dollar toplayıb.
Forbes-in bundan əvvəl tərtib etdiyi siyahıda Lourens Hollivudun ən çox qazanan aktrisaları arasında ikinci sırada yer alıb. Nəşrin məlumatına görə, o, 2013-cü ilin iyunundan 2014-cü ilin iyununadək 34 milyon dollar qazanıb. Bu reytinqdə liderlik həmin müddətdə qazancı 51 milyon dollar olan Sandra Bulloka məxsusdur.