Amerika Birləşmiş Ştatlarının Filadelfiya şəhərində hamilə qadın metroda dünyaya uşaq gətirib.
ANS PRESS-in məlumatına görə, “Milad körpəsi” ləqəbini qazanmış körpənin dünyaya gəlməsinə nəqliyyat polisləri kömək ediblər.
Qadını xəstəxanaya çatdırmaq üçün vaxt olmadığından polislər elə metro dayanacağında doğuşa kömək etmək məcburiyyətində qalıblar.
Daha sonra ana və körpəsi xəstəxanaya yerləşdiriliblər.
Onların hər ikisinin vəziyyəti normal hesab olunur.
