Ukraynanın Donetsk vilayətində hökumət qüvvələri ilə ruspərəst üsyançılar arasında girov mübadiləsi baş tutub.
ANS PRESS-in məlumatına görə, ölkənin təhlükəsizlik xidməti əməliyyat zamanı 146 ukraynalı hərbiçinin sərbəst buraxılması barədə məlumat yayıb.
Qarşı tərəfdən isə, 222 nəfər sərbəst buraxılıb. Ukrayna rəsmiləri daha 4 nəfərin isə, bu gün azadlığa qovuşacağını deyib.
Girovların dəyişdirilməsi əməliyyatı Konstantinovki şəhəri yaxınlığında keçirilib.
Bir qədər əvvəl Belarusun paytaxtı Minskdə tərəflər girovların buraxılmasına dair razılığa gəlmişdilər.