Bakı, 27 yanvar, AzərTAc
İŞİD yaraqlıları Tripolinin mərkəzindəki otellərdən birini zəbt edərək insanları girov götürüblər.
AzərTAc Vesti.ru saytına istinadla xəbər verir ki, bir qədər əvvəl Liviyanın paytaxtındakı diplomatik məhəllədə partlayış törədilib. Partlayış nəticəsində azı üç nəfər həlak olub. Bundan sonra mehmanxanaya soxulan yaraqlılar oradakı insanları girov götürüblər. Girovların sayı barədə hələlik ki məlumat verilmir.
Hadisə üçün məsuliyyəti İŞİD qruplaşmasının öz üzərinə götürdüyü bildirilir.