x
Loading...

Elmar Məmmədyarov: "Ermənistanın təxribatçı əməlləri danışıqlar prosesinə xələl gətirmək məqsədi güdür"

Elmar Məmmədyarov: "Ermənistanın təxribatçı əməlləri danışıqlar prosesinə xələl gətirmək məqsədi güdür"
17:52 27 Yanvar 2015
86 Digər
Ölkə mətbuatı
A- A+
.

Xarici İşlər Naziri Elmar Məmmədyarov Polşaya işgüzar səfəri çərçivəsində Krakov şəhərində 27 yanvar 2015-ci il tarixində ATƏT-in Minsk Qrupunun həmsədrləri Ceyms Uorlik (ABŞ), Pyer Andryu (Fransa) və İqor Popov (Rusiya) və ATƏT-in Fəaliyyətdə olan sədrinin şəxsi nümayəndəsi Anjey Kasprşik ilə görüşüb.

XİN-in mətbuat xidmətindən Trend-ə verilən məlumata görə, görüşdə Ermənistan-Azərbaycan münaqişəsinin həlli üzrə danışıqlar prosesi və ATƏT Minsk Qrupunun qarşıdan gələn dövr üçün nəzərdə tutulmuş fəaliyyət planı ətrafında fikir mübadiləsi aparıldı.

Nazir Elmar Məmmədyarov Ermənistanın təxribatçı əməllərinə diqqəti çəkərək bunların danışıqlar prosesinə xələl gətirmək məqsədi güddüyünü bildirdi.

Münaqişənin həllinə dair Azərbaycanın mövqeyini bir daha vurğulayan Nazir Elmar Məmmədyarov, ilk növbədə, Ermənistanın silahlı qüvvələrinin işğal olunmuş Azərbaycan ərazilərindən çıxarılmalı olduğunu diqqətə çatdırdı.

Görüş əsnasında Ermənistan tərəfindən girov götürülmüş soydaşlarımız Dilqəm Əsgərov və Şahbaz Quliyevin azad edilməsi məsələsi ATƏT Minsk qrupunun həmsədrləri qarşısında qaldırıldı.

Milli.Az


Xəbərin orijinal ünvanı: http://news.milli.az/politics/321293.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR