[ 04 Sentyabr 2015 14:54 ]
Bakı. Məlahət Nəcəfova-APA. Tacikistanda 2 silahlı dəstə ilə atışma zamanı 7 polis əməkdaşı ölüb. APA-nın TASS-a istinadən verdiyi məlumata görə, hadisələrdən biri ötən gecə paytaxt Düşənbə yaxınlındakı Vəhdət şəhərində baş verib. Silahlı dəstənin Şəhər Polis İdarəsinə hücumu nəticəsində 4 polis əməkdaşı həlak olub. Polis cavab atəşi açıb, dəstənin rəhbərləri zərərsizləşdirilib. Hücum edənlərdən 4 nəfər yaralanıb. Düşənbə şəhərindəki ikinci hücum zamanı isə 2 OMON işçisi və bir yol polisi əməkdaşı ölüb. Hələlik hadisə rəsmən təsdiq olunmayıb.
Hazırda Düşənbə şəhərində əlavə blokpostlar qurulub. Paytaxtın bütün ictimai binalarının, o cümlədən şəhərə girişin mühafizə sistemi gücləndirilib.
