Avropanın ən yüksək reytinqli 32 ölkəsinin U-19 Liqasının çempionlarının mübarizə aparacağı UEFA Gənclər Liqasının püşkatma mərasimi keçirilib. İlk dəfə bu formatda keçiriləcək yarışda Azərbaycanı "Rəvan” təmsil edir.
Püşkatmada əvvəl 16, ardınca isə növbəti mərhələdə üz-üzə gələcək 8 cütlük müəyyənləşib.
2014/2015-ci il mövsümündə AFFA-nın təşkil etdiyi U-19 Liqasının qalibi olmaqla, qitə miqyaslı turnirə vəsiqə qazanan "Rəvan” ilk mərhələdə Moskva "Spartak”ı ilə görüşəcək. "Aslanlar” Rusiya təmsilçisini mübarizədən kənarlaşdıracağı halda, növbəti mərhələdə "Şalke” (Almaniya) - "Ayaks” (Hollandiya) cütünün qalibi ilə qarşılaşacaq.
Qeyd edək ki, 2015/2016-ci il mövsümdən UEFA Gənclər Liqası yeni formatda keçiriləcək. Çempionlar Liqasının 32 komandası yenə də 8 qrupda mübarizə aparacaq. Digər şaxədə isə 32 komanda - Avropanın ən yüksək reytinqli 32 ölkəsinin U-19 Liqasının çempionları yarışacaqlar.
I mərhələnin ilk oyunları sentyabrın 29-30-da, cavab oyunları oktyabrın 20-21-də keçiriləcək. II mərhələnin görüşləri 3-4 və 24-25 noyabrda oynanılacaq.
Bu mərhələnin 8 ən güclüsü Çempionlar Liqasının qrup mərhələsində 2-ci yeri tutanlarla pley-offda üz-üzə gələcək. Burada qalib gələn 8 komanda isə qrup birinciləri ilə 1/8 finalda qarşılaşacaqlar.
I mərhələ
Vilyareal (İspaniya) - Servett (İsveçrə)
APOEL (Kipr) - Felksut (Macarıstan)
Senitsa (Slovakiya) - Torino (İtaliya)
Rad (Serbiya) - Domjale (Sloveniya)
Reyms (Fransa) - Middlsbro (İngiltərə)
Elfsborq (İsveç) - Styarnan (İslandiya)
Brann (Norveç) - Anderlext (Belçika)
HİK (Finlandiya) - Seltik (Şotlandiya)
Şalke (Almaniya) - Ayaks (Hollandiya)
Pribram (Çexiya) - Zimbru (Moldova)
Zalsburq (Avstriya) - Jelezniçar (Bosniya və Herseqovina)
Saburtalo (Gürcüstan) - Midtyulland (Danimarka)
Aktobe (Qazaxıstan) - Beşiktaş (Türkiyə)
Spartak (Moskva, Rusiya) - RƏVAN (AZƏRBAYCAN)
Minsk (Belarus) - Vitorul (Rumıniya)
Liteks (Bolqarıstan) - Legiya (Varşava, Polşa)
II mərhələ
APOEL (Kipr)/Felksut (Macarıstan) - HİK (Finlandiya)/Seltik (Şotlandiya)
Rad (Serbiya)/Domjale (Sloveniya) - Elfsborq (İsveç)/Styarnan (İslandiya)
Vilyareal (İspaniya)/Servett (İsveçrə) - Brann (Norveç)/Anderlext” (Belçika)
Reyms (Fransa)/Middlsbro (İngiltərə) - Senitsa (Slovakiya)/Torino (İtaliya)
Spartak (Moskva, Rusiya)/ RƏVAN (AZƏRBAYCAN) - Şalke (Almaniya)/Ayaks (Hollandiya)
Aktobe (Qazaxıstan)/Beşiktaş (Türkiyə) - Zalsburq (Avstriya)/Jelezniçar (Bosniya və Herseqovina)
Saburtalo (Gürcüstan)/Midtyulland (Danimarka) - Liteks (Bolqarıstan)/Legiya (Varşava, Polşa)
Pribram (Çexiya)/Zimbru (Moldova) - Minsk (Belarus)/Vitorul (Rumıniya)