Abşeron rayonunun Masazır qəsəbəsində partlayış olub. Daxili İşlər Nazirliyinin mətbuat xidmətindən verilən məlumata görə, qəsəbə sakini Nicat Novruzova məxsus kafedə qaz balonunun sızmasından yanğına keçən partlayış baş verib. Nəticədə kafenin pəncərə şüşələri sınmış, orada təmir işləri aparan qəsəbə sakinləri Elşad Abbasov və Qabil Quliyev yanıq xəsarəti ilə xəstəxanaya yerləşdirilib.
