Futbol üzrə Avropa çempionatının ( AÇ-2016) seçmə mərhələsi çərçivəsində artıq bir neçə oyun keçirilib.
ANSPRESS-in məlumatına görə ötən gecə 3 qrupda ümumilikdə 8 qarşılaşma baş tutub.
"D" qrupunda Gürcüstan - Şotlandiya, Almaniya - Polşa, Cəbəli-Tariq - İrlandiya yığmaları üz-üzə gəlib.
Gürcüstan millisi doğma divarlar arasında Şotlandiya yığmasını qəbul edib. Oyunda cəmi bir qol vurulub. 38-ci dəqiqədə Valeriy Kazaişvili fərqlənib. Beləliklə Gürcüstan - Şotlandiya oyunu 1-0 hesabı ilə başa çatıb.
Gürcüstan - Şotlandiya matçı.
Günün mərkəzi matçı isə Almaniya ilə Polşa arasında baş tututub. Hesabı ilk olaraq meydan sahibləri açıblar. 12-ci dəqiqədə Tomas Müller adını tabloya yazdırmağı bacarıb. 7 dəqiqə sonra isə Mario Götze fərqlənib. Polşalı futbolçular isə buraxılmış qollardan birinin əvəzini 36-cı dəqiqədə çıxıblar. Robert Levandovski Kamil Qrosickinin ötürmasini qola çevirib. Oyunun əsas vaxtının bitməsinə 8 dəqiqə qalmış isə Mario Götze dubl edərək Almaniyanın Polşa üzərində 3-1 hesablı qələbəsini rəsmiləşdirib.
Almaniya - Polşa matçı
Cəbəli-Tariq isə öz meydanında İrlandiya millisini qəbul edib. Meydan sahibləri artıq matçın 29-cu dəqiqəsində qapılarında qol görüblər. Sayres Kristi komanda yoldaşının ötürməsini qola çevirib. İkinci hissədə isə azarkeşlər vurulan 3 qola şahidlik ediblər. 49-cü dəqiqədə və 51-ci dəqiqələrdə Roy Kin, 79 da isə Şeyn Lonq fərqlənib.
Cəbəli-Tariq - İrlandiya matçı
"D" qrupunda Almaniya yığma komandası 16 xalla 1-ci, Polşa isə 14 xalla 2-ci yerdə qərarlaşıb.
"D" qrupunun cədvəli.
Sentyabrı 3-də isə "A", "B" və "H" qruplarında keçirilən 9 matçda qapılara 17 qol vurulub. "H" qrupunda Xorvatiya yığması ilə görüşən millimizin qazancı bir xal olub.
