[ 05 Sentyabr 2015 14:12 ]
Bakı. Şəhriyar Əlizadə - APA. Bakıda avtomobil qaçırmaqda şübhəli bilinən şəxs tutulub.
APA-nın Daxili İşlər Nazirliyinin saytına istinadən verdiyi məlumata görə, sentyabrın 4-də Nəsimi rayonu ərazisindən Bakı şəhər sakini Emil Əliyevə məxsus “VAZ-2107” markalı avtomobil qaçırılıb.
Bakı Şəhər Baş Polis İdarəsinin Təhlükəsiz Şəhər Xidməti və Nəsimi rayonu 19-cu Polis Bölməsi əməkdaşlarının həyata keçirdikləri əməliyyat tədbirləri nəticəsində avtomobili qaçırmış paytaxt sakini Ruslan Gülmalıyev tutulub.
