21 yaşadək futbolçulardan ibarət komandalar arasında keçiriləcək Azərbaycan - Almaniya oyununun hakimləri müəyyənləşib. Fanat.az хəbər verir ki, UEFA AVRO-2017-nin seçmə mərhələsi çərçivəsində baş tutacaq qarşılaşmanı belçikalı hakimlərə tapşırıb.
Matçın baş hakimi Aleksandr Bokaut olacaq. Ona Cimmi Kremers və Loran Konotte yardım edəcək. 4-cü hakim funksiyasını isə Nikolas Laforge yerinə yetirəcək.
Aleksandr Bokaut 2012/13 mövsümündə Avropa Liqasının I təsnifat mərhələsinin "Trans" (Estoniya) - "İnter" (Azərbaycan) matçını idarə edib. Estoniyada baş tutan qarşılaşmada "İnter" 5:0 hesablı qələbə qazanıb. Referi 78-ci dəqiqədə "Trans"ın qapısına penalti təyin edib və Nizami Hacıyevin zərbəsi dəqiq olub.
Qeyd edək ki, sentyabrın 8-də "Dağla Arena"da keçiriləcək Azərbaycan - Almaniya görüşü saat 19.00-da başlayacaq.
Fanat.az