“İşte benim stilim All Star” yarışmasının qalibi bəlli olub.
Axşam.az “Hürriyet”ə istinadən xəbər verir ki, “TV 8”də yayımlanan müsabiqənin final mərhələsində Emel Özkızıltaşla Marina Surina verilişi tərk etməmək, digər iştirakçılar isə 10 min lirə (təxminən 3500 manat) uğrunda mübarizə aparıblar. Yarışmanın sonunda isə ortaya fərqli mənzərə çıxıb.
Münsiflərin səsverməsi nəticəsində Marina “İşte benim stilim”dən uzaqlaşdırılıb. Buna iştirakçının modelyer Nur Yerlitaşla dava etməsinin səbəb olduğu deyilir.
Çidem Çelik isə güclü rəqiblərinə qalib gələrək ən yüksək balla birinci olub və 10 min lirəlik mükafatı əldə edib.
