Hər iki şəxs yol qəzası törətdikdən sonra ərazidən uzaqlaşıb
Azərbaycanda qadınların ölümü ilə nəticələnən yol qəza hadisələri baş verib. Daxili İşlər Nazirliyindən Lent.az-a verilən məlumata görə, Baş Dövlət Yol Polisi İdarəsi əməkdaşlarının həyata keçirdikləri əməliyyat-axtarış tədbirləri nəticəsində Qaradağ rayonu ərazisində Nigar Həşimovanın ölümü ilə nəticələnən yol-nəqliyyat hadisəsini törətmiş “Ford-Transit” markalı avtomobilin sürücüsü - Hacıqabul şəhər sakini Nizami Məmmədov saxlanılıb.
Bundan başqa, BDYPİ əməkdaşlarının həyata keçirdikləri daha bir əməliyyat-axtarış tədbirləri nəticəsində Hacıqabul rayonu ərazisində Zibeydə Rüstəmovanın ölümü ilə nəticələnən yol-nəqliyyat hadisəsini törətmiş “KamAZ” markalı avtomobilin sürücüsü - Natiq Hüseynov həbs edilib
Hər iki faktla bağlı araşdırma aparılır.
