x
Loading...
.

Dövlət Gömrük Komitəsinin Kinoloji Mərkəzinin Regional Kinoloji Mərkəzinə çevrilməsinə dair Anlaşma Memorandumu imzalanıb

17:03 7 Sentyabr 2015
59 Ölkə
Ölkə mətbuatı
A- A+
.


Bakı, 7 sentyabr, AZƏRTAC
Sentyabrın 7-də Azərbaycan Respublikasının Dövlət Gömrük Komitəsində (DGK) Ümumdünya Gömrük Təşkilatının (ÜGT) baş katibi Kunio Mikuriyanın rəhbərlik etdiyi nümayəndə heyəti ilə görüş keçirilib.
AZƏRTAC xəbər verir ki, ÜGT-nin baş katibi ilə növbəti dəfə Bakıda görüşməkdən məmnun olduğunu vurğulayan DGK sədri Aydın Əliyev qeyd edib ki, qonağın budəfəki səfəri də əlamətdar hadisələrlə yaddaqalan olacaq. Sentyabrın 8-də Bakı şəhərində Ümumdünya Gömrük Təşkilatının 10-cu illik PICARD konfransının işə başlayacağını diqqətə çatdıran Aydın Əliyev bildirib ki, bu gün isə Azərbaycan Respublikası Dövlət Gömrük Komitəsinin Kinoloji Mərkəzinin Ümumdünya Gömrük Təşkilatının Regional Kinoloji Mərkəzi kimi istifadə edilməsinə dair Anlaşma Memorandumu imzalanacaq. Bu gün eyni zamanda ÜGT-nin Bakı şəhərindəki Regional Kinoloji Mərkəzinin rəsmi açılış mərasimi keçiriləcək ki, bu da ÜGT-nin Azərbaycan paytaxtında 3-cü regional strukturu olacaq.
Komitə sədri onu da vurğulayıb ki, elmin inkişafı Azərbaycanda dövlət siyasətinin mühüm prioritetlərindən biridir və ölkədə bütün sahələrdə olduğu kimi, gömrük sahəsində də elm, tədris və tədqiqat fəaliyyətinə xüsusi önəm verilir. Bakı şəhərində ötən ildən etibarən Dövlət Gömrük Komitəsinin Akademiyası fəaliyyət göstərir və hazırda bu ali təhsil ocağı üçün tələbə şəhərciyi salınır.
Bakı şəhərində PICARD konfransının səmərəli fəaliyyəti üçün lazımi şəraitin yaradıldığını da diqqətə çatdıran DGK sədri Aydın Əliyev konfransın nəticələrinin uğurlu olacağına və gömrük elminə öz töhfəsini əsirgəməyəcəyinə ümid etdiyini söyləyib.
ÜGT-nin baş katibi Kunio Mikuriya beynəlxalq əməkdaşlığın əsas istiqamətlərindən biri kimi Azərbaycanda gömrüyün modernləşdirilməsi və kadrların peşəkarlıq səviyyəsinin artırılması məsələlərinə xüsusi önəm verilməsindən razı qaldığını ifadə edib. Baş katib vurğulayıb ki, bu gün Azərbaycan Prezidenti İlham Əliyevlə görüşündə də gömrük xidməti işinə göstərdiyi dəstəyə görə dövlət başçısına minnətdarlığını bildirib.
K.Mikuriya qeyd edib ki, ÜGT-nin 10-cu illik PICARD konfransının Bakı şəhərində keçirilməsi həqiqətən mühüm hadisədir. Bu gün dünya gömrüyü öz fəaliyyətində peşəkarlığa və elmə əsaslanır ki, Bakı konfransı da bu sahədə çox dəyərli fikirlərin öyrənilməsində faydalı olacaq.
Görüş başa çatdıqdan sonra Azərbaycan Respublikasının Dövlət Gömrük Komitəsi və Ümumdünya Gömrük Təşkilatı arasında Azərbaycan Respublikası Dövlət Gömrük Komitəsinin Kinoloji Mərkəzinin Ümumdünya Gömrük Təşkilatının Regional Kinoloji Mərkəzi kimi istifadə edilməsinə dair Anlaşma Memorandumu imzalanıb.
Sənədi Azərbaycan Respublikası Dövlət Gömrük Komitəsinin sədri Aydın Əliyev və Ümumdünya Gömrük Təşkilatının baş katibi Kunio Mikuriya imzalayıblar.
Xatırladaq ki, sentyabrın 8-10 tarixlərində Bakı şəhərində Ümumdünya Gömrük Təşkilatının 10-cu illik PICARD (“Gömrük sahəsində akademik araşdırmalar və inkişaf üzrə əməkdaşlıq proqramı”) konfransı keçiriləcək. “Gülüstan” sarayında təşkil olunacaq konfransda 53 ölkədən 241 nümayəndə, 21 beynəlxalq və regional təşkilatın təmsilçisi, o cümlədən, 3 Nobel mükafatçısı iştirak edəcək.

Xəbərin orijinal ünvanı: http://azertag.az/xeber/Dovlet_Gomruk_Komitesinin_Kinoloji_Merkezinin_Regional_Kinoloji_Merkezine_chevrilmesine_dair_Anlasma_Memorandumu_imzalanib-882740

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR