Kürdəmirdə 2 nəfərin xəsarət alması ilə nəticələnən yol qəzası baş verib.
Milli.Az APA-ya istinadən xəbər verir ki, hadisə bu gün 14:30 radələrində Bakı-Qazax əsas magistral yolunun Kürdəmir rayonunun Şilyan kəndindən keçən hissəsində qeydə alınıb.
"İsuzu" və "KamAZ" markalı yük maşınlarının toqquşması nəticəsində Sumqayıt şəhər sakini, 36 yaşlı Dünyamin Mürşid oğlu Seyidov və Şəki rayon sakini, 28 yaşlı Sakit Eyvaz oğlu Hüseynov müxtəlif bədən xəsarətləri alıblar. Hər iki yaralı Kürdəmir Mərkəzi Rayon Xəstəxanasına yerləşdirilib.
Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.
Milli.Az
