Zərdab, 28 yanvar, Adil Ağayev, AzərTAc
Zərdab rayonunda son illər çəltikçiliyə maraq xeyli artırılıb. Bunun nəticəsidir ki, 2013-cü ilə nisbətən ötən il əkin sahələri 4 dəfədən çox genişlənib. Məhsul istehsalı da 4,3 dəfə artaraq 115 tona çatıb.
AzərTAc xəbər ki, hazırda çəltikçiliklə daha çox məşğul olunan ərazilərdə, o cümlədən Məlikli, Burunlu kəndlərində sakinlər yaz əkinlərinə ciddi hazırlıq işləri görürlər.
Qeyd edək ki, aprel-may aylarında əkin kampaniyası aparılacaq. Artıq kifayət qədər şum qaldırılıb, hamarlama işləri aparılıb. Hazırda sahələrdə tirə işləri həyata keçirilir. Cari mövsümdə rayonda çəltik əkini sahələrinin azı 70 hektara çatdırılacağı gözlənilir.