Play Store

Elmi jurnalın yeni tərkibi təsdiq edilib

17:33 28 Yanvar 2015
181 Ölkə
Ölkə mətbuatı
A- A+


Bakı, 28 yanvar, AzərTAc
Azərbaycan Respublikasında elmin informasiya təminatını inkişaf etdirmək, elmi ictimaiyyəti, elm və innovasiyalar sahəsindəki informasiya mübadiləsini gücləndirmək məqsədilə Azərbaycan Milli Elmlər Akademiyasının (AMEA) Humanitar və İctimai Elmlər Bölməsinin müvafiq qərarına əsasən “AMEA-nın Xəbərləri. Elm və innovasiya seriyası” elmi jurnalın yeni tərkibi təsdiq edilib.
Akademiyanın Elmi İnnovasiyalar Mərkəzindən AzərTAc-a bildirilib ki, nəşrin baş redaktoru AMEA-nın prezidenti, akademik Akif Əlizadədir. Azərbaycan, Rusiya, Ukrayna, Belarus və Qazaxıstanın 21 tanınmış alimi jurnalın redaksiya heyətinin üzvüdür.
Elmi jurnal Azərbaycan Respublikasının Prezidenti yanında Ali Attestasiya Komissiyası rəyasət heyətinin iclasında təsdiq olunmuş “Azərbaycan Respublikasında dissertasiyaların əsas nəticələrinin dərc olunması tövsiyə edilən elmi nəşrlərin siyahısı”na daxil edilib.
“AMEA-nın Xəbərləri. Elm və innovasiya seriyası” elmi jurnalı üç ayda bir dəfə Azərbaycan, rus və ingilis dillərində nəşr olunacaq.

Xəbərin orijinal ünvanı: http://azertag.az/xeber/Elmi_jurnalin_yeni_terkibi_tesdiq_edilib-828109

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR