Dünyanın ən kök manikenlərindən sayılan Tess Holidey standartlardan kənar boyu və kilosu ilə önəmli bir agentlik ilə müqavilə imzalayan ilk model olub.
Axşam.az Türkiyə mediasına istinadən xəbər verir ki, Lon Angelesdə doğulan Tess əvvəllər bədəninin bu iş üçün uyğun olmadığını düşünüb. Amma hazırda o, "Vogue" üçün fotosessiyalar etdirir, minlərlə dəb brendi ilə çalışır.
29 yaşlı maniken İngiltərənin "Milk" model agentliyi ilə müqavilə imzalayaraq modellik tarixində ilkə imza atıb.
‘Curves’ adlı bir kolleksiyanın təqdimatına hazırlaşan Holidey sosial şəbəkədə də yeni bir kompaniyaya başlayıb.
Köhnə adı Tess Munster olan, 52 bədən ölçüsü, 172 santimetr boyu olan manikenin İnstaqramda 352 min, Tvitterdə 22 min izləyici var.
Balaca olərkən köklüyünə görə lağ obyektinə çevrilən Munster 17 yaşında modelliyə başlayıb. O, hazırda müqavilələrinə görə, arıqlaya bilmədiyini deyib.
