Strasburq, 29 yanvar, AzərTAc
Fransada antisemitizm halları 2013-cü illə müqayisədə 2014-cü ildə 101, fiziki zorakılıq halları isə 130 dəfə artıb. Bu barədə Fransa Yəhudi Təsisatları Əlaqələndirmə Şurasının sədri Roje Kukierman məlumat yayıb.
Məlumatda bildirilir ki, Fransa kimi demokratik bir ölkədə əgər 2013-cü ildə 423 antisemitizm halı baş vermişdisə, 2014-cü ildə bu cür halların sayı iki dəfə artaraq 851-ə çatıb. Fiziki zorakılığa gəldikdə, 2013-cü ildə 105 hadisə qeydə alınmışdısa, 2014-cü ildə bu rəqəm 241 təşkil edib.
Sədr istər yəhudilərə, istərsə də digər azsaylı xalqlara qarşı antisemitizm hallarının və fiziki təzyiqlərin artmasından ciddi narahatlığını ifadə edib.
Əsgər Əliyev
AzərTAc-ın xüsusi müxbiri
Strasburq
