Bakı, 29 yanvar, AzərTAc
Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanası son illər əldə olunan nailiyyətləri, yüksək inkişaf dinamikası və artan nüfuzuna görə Türk-Asiya Strateji Araşdırmalar Mərkəzinin (TASAM) təsis etdiyi “Qızıl alma elm və texnologiya mükafatı”na layiq görülüb.
AMEA-dan AzərTAc-a bildiriblər ki, bu mükafat TASAM-ın Türkiyənin Edirnə şəhərində təşkil etdiyi mərasimdə rəsədxananın əməkdaşı, professor Mənsur İsmayılova təqdim olunub.