“Avtosfer.az saytı bu gecə şiddətli haker hücumuna məruz qalıb və sayt sıradan çıxarılıb. Bu barədə Lent.az-a saytın rəhbəri Elməddin Muradlı məlumat verib. Onun sözlərinə görə, hakkerlər saytın ana səhifəsinə portalın rəhbəri Elməddin Muradlının fotoşop olunmuş şəklini yerləşdirib və altında ləyaqətsiz ifadələrlə təhqir ediblər.
Saytda dünən özünü yandıran sürücü ilə bağlı “Ziya Məmmədova görə özünü yandırdı” başlığı ilə saytda xəbər yerləşdirib. Bundan sonra isə sayt haker hücumuna məruz qalıb.
E. Muradlı ona qarşı edilən təhqirlərdə və saytının dağıdılmasında Nəqliyyat Nazirliyini ittiham edir.