Azərbaycan, Bakı, 29 yanvar /Trend, müxbir Rufiz Hafizoğlu/
Fransa Prezidenti Fransua Olland Ermənistan və Türkiyəni ikitərəfli münasibətlərində yeni səhifə açmağa çağırıb. Bu barədə Trend cümə axşamı Türkiyənin Anadolu agentliyinə istinadən xəbər verir.
Onun sözlərinə görə, tərəflər arasında münasibətlərin yenilənməsi üçün stereotiplər məhv edilməli və 1915-ci ilin hadisələrinin həqiqiliyinin müəyyən olunması üçün səy göstərilməlidir.
Olland aprelin 24-də Çanaqqala döyüşündə qələbənin ildönümündəki təntənələrdə iştirak etməyəcəyini və Ermənistana səfər edəcəyini qeyd edib.
Məqalə müəllifi ilə əlaqə ünvanı: agency@trend.az
