Cəmşid Naxçıvanski adına Hərbi Liseydə kursant tağımları arasında "Yurdumuzun tarixi" adlı intellektual istedadlar yarışı keçirilib.
ANS PRESS-in Müdafiə Nazirliyinin Mətbuat Xidmətinə istinadən verdiyi məlumata görə, yarış Dünya Azərbaycanlılarının Həmrəyliyi gününə həsr edilib və yarışın final mərhələsi də artıq başa çatıb.
Yarışda fərqlənən kursantlara fəxri fərmanlar və qiymətli hədiyyələr təqdim edilib.
Cəmşid Naxçıvanski adına Hərbi Liseyin rəisi general-mayor Mirzə Almasov qalibləri təbrik edərək onlara gələcəkdə uğurlar arzulayıb.
